هل طريقة تصوير المنتج تعتبرعامل جذب مهم للعميل علشان ياخد قراره الشرائي؟

كتير من الخبراء والمحترفين في التصوير الفوتوغرافي للمنتجات بيأكدوا إن زاوية التصوير أول حاجة بيفكروا فيها لما بيتطلب منهم تصوير منتج معين أيا كان نوعه ( نظارات ، شنط ، مستحضرات تجميل ، مواد غذائية ،… إلخ)، خصوصاً إن زاوية التصوير وحجم اللقطة هما اللي بيظهروا جمال المنتج ومدى جودته للمستهلك.

*في 3 زوايا تصوير شائعة لتصوير المنتجات:-
1.زاوية 90 درجة واللي بتسمي Bird eye angle، وهي زاوية مهمة للتصوير من الأعلى بتبرز المنتجات اللي مش بتاخد وضع الوقوف زي الأحذية ، أدوات المطبخ،الصناديق الضخمة.

2.زاوية 45 درجة، هي زاوية جوكر بتستخدم في جميع المنتجات تقريباً علشان تبرز مدي جمالها وأبعادها زي لعب الأطفال والديكورات.

3. زاوية 0 درجة تستخدم بشكل كبير مع المنتجات اللي بتاخد وضع الوقوف زي مستخضرات التجميل و النظارات والمنتجات الصحية.

بجانب اختيار الزاوية المناسبة للمنتج اللي بتصوره، الإضاءة كمان عامل حاسم علشان تظهر المنتج بشكل جمالي وبدون أي عيوب سواء كنت معتمد على الإضاءة الطبيعية زي ضوء الشمس أو السوفت بوكس أو الإضاءة المباشرة
أو في حالة جمعك بين أكتر من مصدر إضاءة أساسي.