إزاي تخلى عميلك عنده فضول إنه يكمل قصتك وتثير تساؤلاته خلال دقيقتين بس؟

الـــ Content creator طول الوقت بيكون في رحلة بحث واستطلاع عن الأسلوب أو الطريقة اللي هيحكي بيها موضوعه أو حكايته الجديدة، وده اللي بيساعده إنه يلفت إنتباهك ويشدك ليه حتى لو بيحكيك عن “فلسفة نابليون بونابرت في الحملة الفرنسية على مصر”.

مهما كان الموضوع سردي ومافيهوش مناطق جذب هو بيكون عنده الملكه إنه يحكيهولك بطريقة مستفزة تخليك حابب تعرف عنه أكتر.

S C Q A

الحروف دي هي عبارة عن تكنيك أو ممكن نقول عليها” Framework” بيستخدمة كتاب المحتوى علشان يحكوا الموضوع بتاعهم عن طريق الربط بين الاربعة عناصر دول، بحيث إنه يكون فيه تتابع منطقي في القصة.

طيب خلينا نعرف كل حرف من الأربعة بيرمز لإيه؟

S: Situation-

الموقف هو نقطة البداية / الانطلاق اللي أنت بتعتمد عليها ككاتب محتوى، من خلال مجموعة من العناصر أو النقط اللي بتبني موضوعك عليهم.

C: Complication-

هنا بتبدأ تحدد إيه أسباب الموقف، والفرص والتهديدات والعقبات اللي ممكن تتغلب عليها بشكل ما.

Q :Question-

السؤال اللي بتطرحه هو ده اللي بيثير فضول القارئ وبتخليه

يكمل المحتوى بتاعك للأخر.

هنا بقي بتطرح سؤال عن كيفية القضاء على المشاكل دي واغتنام الفرصة اللي تم توضيحها؟

A :Answer-

بتجاوب على السؤال اللي طرحته في الجزء اللي فات (بنسميه الحل أو فك العقدة)

شاركنا في التعليقات

باستخدم السؤال ده وأكتب محتوى جذاب على السوشيال ميديا بطريقة SCQA

“إزاي ترفع كفاءة فريق التمريض في المستشفي وتتخلص من فكرة الكسل والإهمال ما بينهم؟”