السوشيال ميديا تهدد عصر التليفزيون…

مع بداية موسم رمضان، بدأت الــ Brands والمؤسسات الخيرية المختلفة يتسابقوا على موسم الإعلانات.

خاصة إن في السنين الأخيرة الإعلانات بقى ليها جمهور، والمشاهدين بيتابعوها باهتمام وبيستنوها زي المسلسلات وبرامج المقالب

ولكن اللي لاحظناه السنة دي بشكل كبير إن المنتجات الجديدة “غير مشهورة” حرصت إنها تكون متواجدة في السباق ده واستعانت كمان بأهم النجوم والمشاهير علشان تسوق لمنتجاتها من خلال القنوات التليفزيونية ده بخلاف وجودها على السوشيال ميديا.

وده خلانا حابين نطرح عليكوا السؤال عشان تشاركونا وجهات نظركوا

ليه الماركات والمؤسسات سواء الكبيرة أو الصغيرة لسه بتستثمر بشكل كبير في وسائل الإعلام التقليدية مع وجود الــ Social media و الـــ Platforms المختلفة زي شاهد و Watch it و VIU وغيرهم؟

أكد Rich Lehrfeld، المسوق في American Express إن التلفزيون كوسيلة تقليدية لسه مهمة وإنه مع زيادة الإعلانات بيشهدوا ارتفاع ضخم في المبيعات والوعي بالمنتج ،ولكنهم ع العكس بيحتاجوا يعلنوا بنفس الكثافة لمدة أسبوعين على السوشيال ميديا علشان يحققوا نفس النتائج.

وده كان نفس رأي عدد من المعلنين والمسوقين اللي قالوا إن التليفزيون بيدي مصداقية كبيرة للعلامة التجارية وإنه الوسيلة الأكتر فعالية عشان توعي جمهورك بمنتجك أو الخدمة اللي بتقدمهاله

وقالوا كمان إن الإعلان التليفزيوني ليه دور كبير في شهرة الـــ Brand وبيخليها تعيش في ذهن الجمهور لأطول فترة ممكنة علي قيد الحياة مقارنة بأي sponsored post أو search result.

شاركنا في التعليقات وقولنا رأيك هل السوشيال ميديا هتقدر تقضي على تواجد التليفزيون وجذبه المذهل للمعلنين خلال السنوات الجايه؟