دي جزء من الكلمات اللي كتبتها الأيقونة المصرية الكبيرة “شريهان” في رسالة حب وتقدير لجمهورها قبل طرح إعلانها مع شركة ڤودافون بأيام قليلة، واستقبل الجمهور رسالتها بالحب والانتظار والشوق بعد غيابها عن الساحة أكتر من 19 سنة كاملة.

شريهان مفاجأة رمضان 2021

مع بداية السباق الرمضاني وطرح كل الشركات والماركات العالمية إعلاناتها التسويقية المختلفة، لفت انتباه الجمهور المصري والعربي عودة النجمة شريهان صاحبة التاريخ الفني الطويل في عالم الاستعراض والفوازير وصاحبة المحن والأزمات الصعبة.

ولكن هل نجحت شركة ڤودافون في اختيارها لشريهان لإعلانها الرمضاني المنتظر؟

بمجرد طرح الإعلان انقسمت الأراء بين مؤيد ومعارض له، ورغم أعجاب الكثيرين بعودة نجمة الاستعراضات وطلتها المميزة رأي آخرون إن فكرة الإعلان أضعف بكتير مما كان متوقع وإن النجمة غير مناسبة بعض الشئ بعد كبر سنها وتغير شكلها.

طيب إحنا شوفنا إعلان ڤودافون 2021 إزاي؟

-مدة الإعلان: 3:51

-“عيشنا…شوفنا… وياما الدنيا كسرتنا” دي كلمات الأغنية اللي بدأ بيها الإعلان

بتسترجع بيها شريهان كل الأزمات والإنكسارت اللي مرت بيها في حياتها في أجواء استعراضية خيالية أنيقة تشبه الفوازير اللي قدمتها في الثمانينات والتسعينات.

مين أفضل من شريهان علشان تعبر عن Slogan ڤودافون” مع بعض أقوى”؟

-لعب الإعلان بشكل واضح على تيمة النوستالجيا بداية من إختيار شريهان ومحاكاته لمشوارها ومعاناتها الشخصية، واكتملت حالة النضج الفني بالعناصر البصرية و السمعية المختلفة اللي تم توظيفها سواء الإضاءة ، الألوان ، التكوينات، الديكور، المزيكا ،أماكن التصوير،الاستعراضات،الملابس المميزة.

-نجح الإعلان بإعتماده على الأسلوب ده في التسويق إنه يظهر اهتمام العلامة التجارية بالأجيال المختلفة من عملائها وحرصها على تحسين صورتها الذهنية عندهم

ولكن المشكلة كانت مع صغار السن وجيل الألفينات اللي سألوا بتعجب “مين شريهان”!!

“مهما عدى علينا…قوتنا إن مفيش حاجة تقدر توقفنا”

-الهدف التسويقي من الإعلان – Brand positioning- فالإعلان هدفه إنه يرسخ صورة ذهنية معينة عند المشاهدين وإنه يبرز جودة شبكة ڤودافون اللي بتتميز بالقوة والكفاءة العالية مقارنة بمنافسيها.

-استخدم المعلن الأسلوب الغنائي الإستعراضي المميز علشان يثير اهتمام المشاهدين بشكل يتلاءم مع خصوصية الخدمة اللي بيقدمها.

-أكتر عنصر برز في الإعلان هو الــ Choreography

تم استخدامه بشكل مميز خدم فكرة الإعلان عن طريق السرد الإبداعي لقصة حياة شريهان اللي بيقدمها من البداية مروراً بحادثة العربية اللي تسببت في مشاكل بعمودها الفقري وإجراءها عمليات جراحية كتيرة بعدها.

من أكتر اللقطات المميزة بالنسبة لتصميم الرقصات الـــ “Car Choreography ” اللي تكونت من خلال مجموعة الراقصين في الإعلان.

-طريقة التناول (المعالجة) اللي ظهر بيها الإعلان خلقت حالة من الاهتمام الشديد به، وجاءت كلمات الأغنية مناسبة ومعبرة بدرجة كبيرة.

ولكن هل الإعلان قدر إنه يحقق رسالته الإعلانية؟

ومن وجهه نظركوا إيه سبب الانتقادات الكتيرة اللي واجهها الإعلان يمجرد طرحه على شاشات التليفزيون المختلفة؟

لمشاهدة الإعلان: https://www.facebook.com/Vodafone.Egypt/videos/164307938898781/