في الوقت الحالي وفي ظل الظروف الإقتصادية الصعبة اللي بنعيش فيها ،يرى البعض إن العينات المجانية-Free samples- اللي بتقدمها المتاجر الكبيرة ليست أفضل استراتيجية للترويج للسلعة أو الخدمة، فهل لديك أموال إضافية للتبرع بالعينات المجانية؟

علماء النفس وخبراء الإقتصاد السلوكي كان ليهم رأي مختلف زي دان أريلي اللي قال إن
العينات المجانية اللي بتقدمها الشركات الكبيرة بتدي للعميل رغبة خاصة في المنتج ، فلو قدمت ليه عينة مجانية من منتج الشيكولاتة الجديد اللي بتعلن عنه هتزود شهيته ورغبته إنه يشتري المنتج/ العلامة التجارية دي بعد كده”

“Reciprocity is a very, very strong instinct”

هل العينات المجانية بتزود المبيعات وأرباح الشركات؟

الدراسات الحديثة أكدت إن كلمة مجاناً أو Free لها تأثير من نوع خاص على العملاء، وبتكون قادرة إنها تزود المبيعات بنسبة ممكن توصل لـــ 2000%

1.العينات المجانية بتزود وعي الأشخاص بمنتجك من خلال تجربته بشكل مباشر.

2.في قاعدة اسمها ” المعاملة بالمثل” وهي إنك لما بتقدم العينة المجانية للعميل فهو بيحس إنك عملت شئ لطيف ناحيته فبيحاول إنه يرده بالمقابل، وهو إنه ياخد قرار الشراء بشكل جذري، وفي حالة لو هو معندهوش إمكانية الشراء هيبدأ يفكر في شخص تاني قريب منه يناسبه منتجك اللي بتعلن عنه.

و Joe Pinsker أكد إنه في علم النفس ده يعتبر نوع من الضغط الإجتماعي لإجراء عملية الشراء بعد حصول العميل علي العينة المجانية.

3. العينات مش مجرد إنها بتجذب عملاء جدد أو بتعرف الأشخاص بمنتجاتك، لكن دي كمان بتساعد في تعزيز ولاء العملاء الحاليين للعلامة التجارية.

4.زيادة فرص البيع الفوري، فبيتحول المتسوق بعد حصوله على العينة المجانية إلى عميل حالي أوعميل محتمل.

5.أسلوب لطيف لشكرالعملاء الحاليين وإعطاءهم إحساس بالتميز، وفي نفس الوقت أنت بتتعرف على رأيهم وتقيمهم الحقيقي لمنتجك الجديد اللي بتسوق ليه.

حابين نعرف رأيك في استخدام استراتيجية العينات المجانية –Free samples- في المنتجات المختلفة سواء الأغذية ، المشروبات ، مستحضرات التجميل،… ومدى فعاليتها في زيادة المبيعات؟