أستخدمت Pinterest قبل كدة فى الماركتينج ؟

لو لأيبقى أنت محتاج تعرف أكتر عنه

أولا pinterest بيعتمد على المحتوى المرئى نقدر نقول عليه إنه لوحة إعلانات ولكن مع مميزات و خصائص أكتر.

طب ليه ممكن يكون مفيد و مميز فى التسويق؟

معدل نمو pinterest فى جذب مستخدمين جدد عالى جداٌ فى الفترة الأخيرة و أحتل الصدارة بنسبة 57% ، ودة معدل نمو عالى بالمقارنة مع فيسبوك مثلاُ اللى زاد 6% بس ودة معناه إن فى أشخاص كتير بيفضلو الأتجاه لpinterest ، وكمان فى كتير من الشركات الكبرى بقت مهتمة إنها تكون متواجدة عليه.

حجم التفاعل كبير على pinterest ودة لإن مستخدميه مش بس بينشروا المحتوى هما كمان مطلوب منهم أنهم يشاركوه مع مجموعات صغيرة خاصة بيهم ليها إهتمامات مشتركة ، ودة بيخلى المحتوى مش بس يوصل لعدد أشخاص أكتر لأ كمان بيوصل لأشخاص مهتمين بيه .

لو أنت المنتج بتاعك موجه للسيدات أكتر يبقى pinterest هى المنصة اللى محتاج تسوق عليها لأن 72% من المستخدمين سيدات ، ودة غير طبعا أن السيدات بطبعهم بيحبوا يشتروا وبكدة pinterest هيكون الاختيار الأفضل ليك.

و Pinterest مؤخراُ كمان بدأ يعمل حاجات عشان تجربة الشراء من خلاله تكون أفضل زى مثلاُ shop from boards اللى بيرشح للمستخدم منتجات ممكن يشتريها ودة عن طريق الpins اللى بيضفها لمجموعته مسبقاٌ ، وبكدة المنتج بتاعك بيوصل لعميل مهتم أنه يشتريه.