لما الـــ content creator يبدأ يفكر في post أول حاجة بتيجي في دماغه إنه أزاى يكتب محتوى يشد الجمهور و يخليه يتفاعل معاه و كمان يثبت صورة الشركة أو المنتج اللي بيكتب عنه في دماغ الشخص الي بيقرأ.
ساعتها مش بيكون مهم بالنسباله المحتوى طويل ولا قصير،طب هل هو غنى بالمعلومات ولا تافه، هل الكلام يبقي سادة ولا نحلى الكلام بشوية Emojis …المهم إن اللي بيقرأ الــ post بتاعه يفضل مكمل للاخر علشان وصوله لاخر الـــ post ده بداية الخيط اللي هتخليه من مجرد مهتم لإنه يكون lead .

عشان كدة في كام عنصر لازم تاخد بالك منهم و انت بتكتب الـــ post:-

-اول حاجه هل أنت بتخاطب شركات ولا أفراد يعني B2B ولا B2C ،ولو بتخاطب شركات لازم تحدد المستوى بتاعها A ولا B ولا C عشان تون الكلام أكيد بيختلف أما لو B2C ف وقتها لازم تحدد الفئة العمرية الي أنت مستهدفهم كبار ولا شباب، طب هل الـ post موجه للكل ولا للرجالة بس ولا للسيدات كل دى معايير و عناصر لازم تحطها في الاعتبار عشان تحدد هو العميل بتاعك بيحب يسمع الكلام إزاى مش أنت بتحب تسمع إزاى فكر بدماغ الجمهور بتاعك.

-تاني حاجة و هي بداية الـــ post لازم تشد وتكون جذابة، تخيل نفسك داخل فيلم وأول ربع ساعة منه حاجة في منتهى الملل هتلاقي نفسك نمت أو هتسيب الصالة و تمشي عشان كدة بداية الــ post عنصر مهم جداً،فمثلاً ممكن تبدأ بسؤال عشان تثير حيرة الجمهور أو تريند أو حتة إفيه لو أنت مستهدف الشباب.

-تالت حاجة هي ال CTA او ما تسمي (Call to Action) لو الـــ post بتاعك تون الكلام فيه مظبوط و زي ما الجمهور ما بيحبها و كمان بدايته تشد و فعلا الناس بتقرأ للاخر و مهتمة ايه اللي هيخليها تتفاعل معاك لو أنت ما طلبتش منهم كدة لازم في نهاية الـــ post يكون في حاجة تجبر الناس إنها تتفاعل معاك زي مثلاً سؤال و هما يجاوبوا عليه أو إنهم لو عايزين يستفسروا يبدأوا يبعتوا للرسايل الــ page أو يسألوا في الـــ comments دايما في النهاية لازم تحط الجملة الي تجبر الجمهور إنه يتفاعل معاك.

-رابعاً و أخيراً هو الـــ Design الصورة هي أول حاجة بتجذب نظر الناس لو التصميم قوي وواضح و مفهوم وقتها الناس هتهتم إنها تقرأ إنما لو تصميم ضعيف وغير مفهوم إيه اللي هيمنعه إنه يكمل Scroll ؟!!