تشاندلر بينغ:

“Not suitable for adults”.

لما اتطلب من تشاندلر يعمل إعلان لكوتشى بتصميم شبابى جداً أو بمعنى أصح لجيل مش جيله، فحس انه مش هيعرف يعبر عنه لانه هو نفسه مش هيلبس حاجة زى دى.

الغريب انه لما عرض فكرة الإعلان وslogan بتاعه على التــيــم، المدير أنبهر جدا و قرر ينفذ فكرته هو بالرغم أنه أكبر واحد فى التيم اللى اشتغل على الفكرة !!
ومكنش حد متوقع انه يقدر يطلع فكرة تسوق للكوتشى ده بشكل مؤثر، طيب ايه اللى كان مختلف فى التشاندلر قاله؟؟!

الحقيقة ان اللى كان بيميز الإعلان وslogan اللى تشاندر طلعهم انه بيلمس أكتر حاجة الشباب فى السن ما بين 15-19 تكون عاوزاه، و هى التميز عن الجيل اللى أكبر منهم بشوية أو اللى فى سن التلاتينات يعنى، فجيه الــSlogan بيقول “غير مناسب للبالغين” والأعلان اللى جيه بيسخر إلى حد ما من الجيل سن التلاتينات ويبين قد ايه الشباب الصغير ده –اللى هما الفئة المستهدفة اساساًــ انهم “too cool”.

و بالتالى هو هنا رضى رغبتهم فى الاحساس بالتميز و الاختلاف عن الاجيال التانية وده اللى هيخليهم ياخدوا قرار الشراء اول ما يشوفوا الاعلان والــslogan يعلق معاهم.

وعشان Slogan منتاجك او شركتك من اهم الحاجات اللى لازم تختارها بعناية فعاوزينك تهتم كده بشوية حاجات وأنت بتفكر فيه :

فى البداية كده خير الكلام ما قل و دل ، احسن Slogan ممكن تعمله اللى بيكون أقل من 9 كلمات، قصير، مختصر وبيوصل المعنى “بوضوح” و من هنا ندخل على الشرط التانى أن الـslogan بتاعك ماينفعش يكون غامض، ويكون قادر يوصل المعنى من غير ما يكون جنبه معلومات زيادة، ده غير إن ياريت لو قدرت تذكر الحاجة اللى بتميزك عن منافسيك فى الـslogan الخاص بك.

بعد كده تتأكد أن الـslogan بتاعك لايق على الفئة اللى انت هتسهدفها ومش أعلى ولا أقل من مستواهم الفكرى عشان يعلق معهم و يفتكروه بسرعة، كمان تحاول تفكر فى Slogan يكون كلماته مش متشابهة مع أى منافس ليك فى السوق وتكون كلماته جديدة،عشان لما يفتكر sloganبتاعك مايفتكرش حد تانى معاه غيرك !