“Everyone became more interested in food, and everyone was taking better and better pictures of food,”

أسلوب تصوير وتقديم الأكل فن و ليه تفاصيل خاصة جداً بتميزه، وعلشان كده هنلاقي أن فيه عدد كبير من المهتمين بمجال الـــ

Food styling بيقرروا إنهم يدرسوا الموضوع بشكل كامل على يد متخصصين محترفين سواء في مصر أو برة مصر.
طيب خلينا نتكلم أكتر إزاي الـــ

Food styling

بدأ وكان شكله عامل إزاى مع بداية ظهوره؟!

بدأت الفكره في الأربعينات من القرن الماضي, فبدأت براندات كبيرة زي Crisco و Aunt Jemima ينتجوا Cook booklets ،قدموا فيها للعملاء وصفات طعام مجانية، واهتموا جدا وقتها بالصور الجذابة اللي روجوا بيها لمنتجاتهم و لاحظوا إن مبيعاتهم زادت بشكل ملحوظ بعد كده جيه واحد اسمه ويليام هنري صور أول صوره للطعام وكانت عبارة عن سلة بها حبات الخوخ والأناناس.

في الوقت ده كان التركيز بشكل كبير على تصوير الفواكه زي العنب والخوخ واستخدموها كرموز ليها دلالات، وكان المصوريين متأثرين بالـــ Still life paintings. و فى سنة 1927 جيه المصور إدوارد ستيتشن رتب مكعبات السكر في صفوف منظمة وخلق تكوين بصري جديد، وأضاء الصورة من الخلف ، وبدأ إنه يلعب بالظل والنور بشكل متقاطع.

مع مرور الوقت ومع ظهور الإعلانات الملونة في منتصف التلاتينات بدأ تصوير الطعام ياخد شكل فني مختلف، وبقى كل كتاب طبخ فيه 4 صفحات لصور فوتوغرافية ملونة.و بدأ برضه استخدام الــ Documentary styles في التصوير، وكان كتاب White Heat من الرواد اللي استخدموا الأسلوب ده في التسعينات.

طبعا دلوقتى التصوير بقى مختلف عن زمان و بقى من المهم جدا تصوير المنتجات بالشكل المناسب خاصة بعد ظهور الــ Food Blogs و Instagram وبدأ المصوريين يهتموا بأنواع الكاميرا و مصادر الإضاءة والتكوينات الفنية المختلفة واصبحت المنافسة قويه جدا فى سوق التصوير.