فتكر إن طريقة تفكير شخص وهو يشتري تليفزيون لشقته هي نفس طريقة تفكيره وهو بيختار المدير المالي لشركته؟

ده مثال يقدر ببساطه يوضحلك الفرق بين التسويق لمنتج و آخر، والفرق ما بين تسويق منتج أو خدمة لشركات والتسويق لأفراد مستهلكيين عاديين.

فهمك للفرق بين B2B –B2C وتحديدك لجمهورك المستهدف واحتياجاته هيساعدك إنك تخطط لحملات تسويقية أنجح.

إيه الفرق بين مصطلح B2B –B2C في الــ Marketing؟

الـ B2C الجمهور هنا هم الأفراد المستهلكين اللي بياخدوا قرار شراء منتج أو خدمة لأغراض شخصية، وبيتم تصنيفهم إلى شرائح مختلفة – End costumers ــ.

الـ B2B هنا الجمهور المستهدف بيكون الشركات والمؤسسات من جميع الأحجام (الصغيرة والمتوسطة)، المنتج هنا بيستخدم لأغراض تجارية وبشكل عام المنتجات والخدمات بتكون أكبر وأكثر تعقيد.